Sigrid Undset

Sigrid Undset (Kalundborg, Danimarka, - Lillehammer, Norvegia, ) norvegiar idazlea izan zen. ''Marta Ulia anderea'' (1907) nobelarekin eman zen ezagutzera, eta haren ondotik ''Jenny'' (1911) eta ''Udaberria'' (1914) lanak argitaratu zituen. Bere garaiko feminismoaren aurka zegoen, eta nobela horietan maitasun librearen aldekoak kritikatu zituen eta emakumearen etxeko lana azpimarratu zuen ("Ez zaitezte feministak izan, izan zaitezte emakumeak, emazteak eta amak"). ''Kristin Lavransdatter'' (1920-1922) eta ''Olav Audunssön'' (1925-1927) nobelak dira ezagunenak; gizonaren eta emakumearen arteko lehia dute gaitzat. 1925ean, katolizismora bihurtu zen eta esperientzia hori kontatu zuen ''Gymnadenia'' (1929) eta ''Sasia sutan'' (1930) obren bidez. Erlijioaz zituen ideiak azaldu zituen ''Ida Elisabeth'' (1932), ''Emakume fidela'' (1936) eta ''Madame Dorthea'' (1936) lanetan. Nazismoaren aurka zegoen, eta alemaniarrek Norvegia okupatu zutenean, Estatu Batuetara erbesteratu behar izan zuen. 1928an Literaturako Nobel saria jaso zuen. Wikipediatik informazioa lortu