Tomás Segovia

Tomás Segovia (Valentzia, 1927ko maiatzaren 21a - Mexiko, 2011ko azaroaren 7a). Espainian sortu zen, baina Espainiako Gerra Zibilaren ondoren Mexikora erbesteratu zen, eta harrezkero irakasle gisa lan egin du Mexikoko eta Estatu Batuetako zenbait unibertsitatetan. ''Revista Mexicana de Literatura'' aldizkariaren zuzendari izan zen, eta ''Vuelta'' aldizkariko lankidea ere izan zen. Mexikoko Kolegioko Itzultzaileen zentroa sortu zuen, eta, olerkiez gainera, kritikak, saiakerak eta itzulpenak eman zituen argitara. Bere olerki-liburu nagusietan maitasunari eta gai metafisikoei buruz idatzi zuen, eta sakontasun literario handiko obra osatu zuen inspirazioa eta teknika bikaina erabiliz. Bere olerkigintzak gizakiaren bakardadearen adierazpen nahi du izan, baina orobat nabarmentzen du gizakiak maitatzeko duen ahalmena. Wikipediatik informazioa lortu