George Santayana

George Santayana (jaiotza-izena: ''Jorge Agustín Nicolás Ruíz de Santayana''; Madril, 1863ko abenduaren 16a - Erroma, 1952ko irailaren 26a) Estatu Batuetako filosofoa izan zen, Espainian jaioa.

Bederatzi urte zituela Estatu Batuetako Boston hirira joan zen familiarekin, eta Estatu Batuetan bizi izan zen aurrerantzean. Harvardeko, Berlingo eta Cambridgeko unibertsitateetan ikasi ondoren, Harvardeko Unibertsitateko irakasle izan zen (1889-1912). Erromako komentu batean eman zituen bizitzako azken urteak. Santayanaren filosofiak joera naturalistaren eta idealistaren arteko sintesia du oinarri; munduko gauzak azaltzeko ezinbestekoa da materialismoa, eta kontzientziari dagokio bereziki balio berriak sortzea. Obra nagusiak: ''The Sense of Beauty'' (1896, ''Edertasun sena'', Alberto Gabikagojeaskoa Mentxakak euskaratua); ''The Life of Reason'' (1905-1906, ''Arrazoiaren bizitza''); ''Realms of Beeing ''(1927-1951, ''Izakiaren esparruak,'' lau liburukitan banatua). Literatura-obrak ere idatzi zituen: ''The Last Puritan'' eleberri autobiografikoa (1935, ''Azken puritanoa''). Wikipediatik informazioa lortu