Charles Fourier

Charles Fourier (Besançon, 1772ko apirilaren 7a - Paris, 1837ko urriaren 10a) frantses filosofoa izan zen, Robert Owen eta Saint Simonekin batera sozialista utopiko nabarmenetako bat. Berak asmatutako ''grinen erakarpenen teoria'' irudimentsuan oinarrituta, gizartea errotik aldatu eta era harmoniatsuan antolatzeko proposamenak egin zituen, giza harremanak, hezkuntza eta ekonomia (bereziki nekazaritzan eta artisautzan oinarrituta). Horretarako, falansterio izeneko komunitateak asmatu eta zehatz-mehatz deskribatu zituen. Falansterioetan lana aldakorra eta erakargarria izango zen eta giza harremanak libreagoak. Bere ideien inguruan, jarraitzaile multzo handia osatu zen eta Frantzian, Britainia Handian eta Estatu Batuetan abian jarri ziren komunitate batzuk, Fourierek berak begi onez ikusi ez zituenak, baina azkenean denak etorri ziren behera. Beste sozialista utopikoei ere kritikak egin zizkien. Wikipediatik informazioa lortu