Bob Dylan

Robert Allen Zimmerman (Duluth, Minnesota, 1941eko maiatzaren 24), Bob Dylan izengoitiz ezaguna, estatubatuar musikari, abeslari eta olerkaria da. Haren lanik ospetsuena 1960ko hamarkadakoa bada ere, sei hamarkadaz aritu da eszena gainean.

Haren kanta batzuk, hala nola "Blowin' in the Wind", "Masters of War" eta "The Times They Are a-Changin'", gerraren kontrako ereserki bilakatu dira. Izan ere, kanten letretan ohiko hizpide da politika, era literarioan eta filosofikoan. Haren estiloa zabalduz joan da, denborak aurrera egin ahala. Amerikako Estatu Batuetako musika joera andanari atxiki zaio, hala nola folkari, countryari, bluesi, rockari, zelta musikari, jazzari eta abarri.

Dylanen jogailuak gitarra, teklatua eta harmonika dira. Aldatzen den musika talde batek lagunduta, 1980ko hamarkadatik dabil biran, ''amaierarik gabeko bira'' deitu baitzaio. Zuzeneko emanaldiek bere karreran parte-hartze handia izan badute ere, Dylanen musikagintzak jaso ditu kritika beroenak. 2016ko urriaren 13an, Suediako Akademiak Literaturako Nobel saria eman zion, adierazpen poetiko berria sortzeagatik, Amerikan dagoen musika tradizioen barruan. Wikipediatik informazioa lortu